Ooit waar d`r Jeugdprins vanne Uul, hae sjpeelt al 25 jaor biej de Prinse Kepel, ouch is d`r Grootmeister van D`n Uul. Ziene naam? Paul Hamers! En de redactie van www.pkuul.tk haaj un exclusief intervjoew mit deze fantastische kaerel. Is det neet super?

Waat geisse dit seizoen missen biej de Kepel?

Mien sjuuf en de ongerlinge vrundjsjap.

Waar dieke trom-sjlaeger Jos Somers de innigste vanne kepel dae ut wist van teveure?

Kort mer bondig, JAO. Och...en Bertje Willems netuurlik, mer dae wit altied alles.

Zit d`r al un vastelaovesbeest in Luuk, Juul en Eunice?

In Loek en Juul duudelik waal. Die hubbe ouch haor eigese Prinsemutske en trommelkes en die gaon d`raan van 6.30 oer sjmorges es’se wakker waere, toetdet ze ’s aoves omkiepe. Eunice is net ein jaor aad en is eigelik nog get te klein.

Zit d`r ouch unne Nuuje tusse dinkse?

Waal meer den eine!

Volgend jaor toch waal weer geweun biej de Kepel woh?

Es ich moog van Haore Majesteit...

Det Aad-Prinse-gewauwel is ouch part-time te doon.

Nae, det sjient ein foel-teime baan te zeen.

De Prinse Kepel haet sinds jaore weer nuuj talent oet de jeugd. Waat vinjse daovanne?

Veer zeen good bezig. Det d`r maar vaole mooge volge!!

Welk nummer vanne PeeKaa wilse oetrope toet dien ‘PeeKaa-liefleedje’ van dit jaor?

Let`s get loud.

Waat duisse mit de Verkesaovend?

Rustig in ein heukske gaon zitte mit ein glaeske fris...

Moog ich dich bedanke veur ut gaeve van dit intervjoew?

Jao, det moog.

Oh fijn, bedank denne. Hubse un vraog gemist?

Waal meerdere, mer daoveur kumpse vriedig mer nao de rippetisie.

“Mien opa waar ooit kepelmeister vanne PeeKaa”

Ut nuujtste lid vanne PeeKaa is 17 jaor aad en sjpeelt oppe deksels. Syrthe de Bock is un rasechte Remunjse en waat bliekt? Is ut de kleindochter van aad-kepelmeister Jacq de Bock en dochter van aad-lid Leon de Bock. Ich haaj un openhartig internetgesjprek mit dees sjoon blonj dame.

 ‘Daag Nick.’

Daag Geertje?

‘Dach ut neet.’

Syrthe denne?

‘Jao.’

Oh gezellig. Kaerske d`r biej.

‘Worom neet woh.’

Jazeker. Lekker op ut baerevel veur de aope haard, glaeske wien en un good book...

‘Doot mich maar un pilske. Hubse ouch unne wep-cam?’

Nae, zoget verdreug miene kop neet.

‘Det zaes `se zellef.’

Doe bus ut dus waal mit de sjtelling ins.

‘Nae helemaol neet heur.’

Maar good, ich bun hiej veur de vraoge. Sjtel dich `ens eerst veur.

‘Ich bun 17 en doon de opleijing verpleging. Den is d`r altied un zuster biej uch.’

Worom hubse mich den de bein neet gemasseerd nao ut Verkesbal?

‘Haajse det motte vraoge.’

Ja verdikkie, wie mos ich det weite?

‘Ouch vraoge.’

Sjtom van mich inderdaad.

‘Precies’

Busse eigelik un echte Remunjse?

‘Jao, mien opa is nog kepelmeister gewaes. Jacq de Bock. En miene pap haet trouwes ouch biej de kepel gezaete.’

En wie hit dae den waal neet?

‘Leon.’

Waatte dette denne? En ich bun de eerste dae `se det vertels?

‘Nae, de tweede. Jos Somers wis ut al. Wiezo kinse die denne?’

Nae, maar dae van Willems zal ut waal weite.

‘Vast waal.’

Wanneer haet d`r eigelik biej de kepel gezaete?

‘1964 toet en met 1966.’

Hubse veur de rest ooit un insterment besjpeeld?

‘Nope, nooit get besjpeeld.’

Ouch nooit de behoefte gehad?

‘Nae, maar noe vinj ich ut waal heel leuk. Dus waem wit gaon ich ooit nog waal es get blaoze.

Maar doon ich ut trouwes good oppe deksels?’

Jao, moogs nog get helder klatere, maar det kump vanzellef.

‘Die dinger haaje zich neet echt vast.’

Det mosse ouch zellef doon, haha. Nae, zeen best zjwaor jao. Wie kumps `se dr eigelik biej om biej de PeeKaa te komme?

‘Geertje vroog ut mich. Ze haaje emes neudig veur de deksels en het vroog mich of ich dette neet wou doon. En toen wilde ze mich oppe Nach vanne Nuuje al mit laote doon, maar det wilde ich neet. Ich haaj die dinger nog nooit vastgehad. Toen hub ich d`r euver naogedach en Geertje gebeld det ich ut wilde doon. Maar eerst unne keer oppe rippetisie.’
En toen waerde `se vriedigs oppe rippetisie metein door Paul ll nao veure gerope veur un jaormedaalie.

‘Jao, wie ich op die taofel mos gaon sjtaon haaj ich echt get van NAEEE!’

Hehe.

‘Det is neet grappig.’

Jaowaal.

‘En toen mos ich ouch nog gaon kusse. En ich waar al verlaege omdet ich nemes kos.’

Mit ut Verkesbal waar `se angers neet echt verlaege.

‘Mot ich den wie unne sjtille in un heukske gaon zitte?’

Sorry, det waar inderdaad un dom vraog. Zulle veer dan maar geweun sjtoppe?

'Det liek mich verstenjig.'

Den bedank ich dich veur dit openhartige gesjprek.

'Gaer gedaon.'

Veer zeen os.

'Hojje woh.'